Kirurgjia plastike vitet e fundit ka marr një hov të madh, duke u kthyer në një trend për moshat e reja.
Në morinë e tipareve që duan të ndryshojnë, hunda është e para. Në një intervistë për Euronews Albania, kirurgu otorinolaringolog Besim Boçi na rrëfen se kërkesat për të rimodeluar hundën janë gjithmonë në rritje. Ato nisin nga adoleshentët deri tek moshat e rritura, deri në 60 vjeç.
“Kirurgjia estetike e hundës zë vendin e parë, këtu vijnë vajza të reja 15 vjeç e lartë, por ne kemi indikacionet për ndërhyrjet kirurgjikale, kështu që jo të gjitha vajzat arrijnë ta bëjnë”- tha Besim Boçi, kirurg otorinolaringolog.
Në varësi të moshës është e kërkesa. Adoleshentët shkojnë me një foto në duar, të rriturit ia besojnë kirurgut modelin e hundës së tyre.
“Në moshat e vogla vijnë me një model, Kim Kardashian plot raste dhe na e paraqesin atë për hundën e vete, por ne kemi limitet tona pasi çdo hundë duhet të përshtatet me fytyrën e pacientit, moshat më të rritura në pjesën më të madh ja lënë në dorë kirurgut, ne marrim informacion nga pacienti dhe vlerësojmë pritshmëritë e tij dhe në rast se pritshmëritë e tij nuk janë realiste ne e refuzojmë pacientin”- tha Boçi.
Por ky trend në rritje shikohet me shqetësim nga psikologët .
“Shqetësim bëhet kur vajzat në këmbim të kësaj përsosmërie japin origjinalitetin e vet, së dyti bëhet shqetësim kur secila kërkon të ketë të njëjtin tipar me shumë të tjera dhe dashje apo pa dashje shkojnë në njëtrajtësim të portretit të vajzës dhe gruas shqiptar”-tha ajo.
Por mjekët otorinolaringolog, thonë se në disa raste ndërhyrja është e domosdoshme pasi pacientët nuk kanë vetëm deformim të hundës por edhe të funksionit të saj.
LEXONI GJITHASHTU:
- Balla: Marrin zgjidhje ankesat për gjobat, do ju vijnë me mesazh në telefon
- Deklaratat e Kurtit ndaj Lajçak, reagon BE: Nuk i komentojmë akuzat e pabaza
