Trondit Lala: Do preferoja të vdisja se sa të shkoja në qendra të kujdesit social

Suela Lala, drejtore e fondacionit “Së Bashku” tha për “Review” në Euronews Albania se do donte të vdiste para se të jetonte në një qendër të personave me aftësi të kufizuara.

Më herët ajo u shpreh se në këto qendra ka dhunë fizike, psikologjike, madje dhe seksuale.

Lala solli në vëmendje dhe përgjigjen e Zela Kokës nga shoqata MEDPAK, e cila ka një djalë me aftësi të kufizuara dhe nuk u tregua e drejtpërdrejtë nëse do pranonte ta çonte fëmijën në këto qendra.

“Zonja Zela edhe pse është prind i një personi me aftësi të kufizuara nuk iu përgjigj në mënyrë të drejtpërdrejtë pyetjes, a do donte që djali i saj një ditë të jetonte në një institucion të tillë? Unë për vete do të preferoja të vdisja sesa të ishte një realitet i tillë, sesa kjo të ishte e ardhmja ime. Më vjen keq që të shprehem kaq rëndë. Unë fatmirësisht vij nga një familje me të ardhura mbi mesatare dhe e di që ky nuk do të jetë fati im, por unë nuk do doja ta përjetoja. Është trajtim çnjerëzor, të zhbën të gjithë individualitetin si njeri,” – u shpreh Lala.

LEXONI GJITHASHTU:

• A jemi në fazë emergjente? Tushe: Ka institucione audituese për qendrat e PAK
• Qendrat e PAK| Gajda: Drejtuesi duhet me humanizëm – Kundërshton Lala: S’ka lidhje