Trump: “Bordi i Paqes” për Gazën do të shpallet në fillim të vitit 2026

Presidenti i SHBA-së, Donald Trump, tha të mërkurën se anëtarët e “Bordit të Paqes” për Gazën do të shpallen në fillim të vitit të ardhshëm, duke shtuar se ata do të përbëhen nga liderë globalë.

Bordi është një komponent kyç i marrëveshjes së armëpushimit të Trump për Rripin e Gazës, edhe pse detajet kryesore, përfshirë përbërjen e tij, ende nuk janë shpallur. Ai parashikohet të luajë një rol ndihmës në administrimin e Gazës sipas kushteve të marrëveshjes së armëpushimit të Trump.

“Do ta bëjmë në fillim të vitit të ardhshëm, dhe Bordi i Paqes do të do të jetë një nga bordet më legjendare ndonjëherë,” u tha ai gazetarëve në Shtëpinë e Bardhë.

“Të gjithë duan të jenë pjesë. Në thelb, do të jenë kryetarët e vendeve më të rëndësishme. Të gjithë duan të jenë aty”, u shpreh ai.

Ndërkohë, presidenti amerikan ka thënë se do të shërbejë si kryetar i grupit.

Që nga tetori i vitit 2023, Izraeli ka vrarë më shumë se 70,000 persona, kryesisht gra dhe fëmijë, dhe ka plagosur rreth 171,000 të tjerë në Gaza gjatë një lufte më shumë se dyvjeçare, e cila u ndal nën një marrëveshje armëpushimi që hyri në fuqi më 10 tetor.

LEXONI GJITHASHTU:

• Trump prezanton “Trump Gold Card”, vizë e shpejtë për të huaj kundrejt 1 mln $
• I akuzuar për korrupsion, arrestohet ish-presidenti bolivian Luis Arce