Trump, Clinton dhe ish-princi Andrew! Publikohen më shumë foto nga dosja Epstein

Demokratët e Kongresit sapo hodhën një tjetër “zjarr” mbi historinë e Jeffrey Epstein duke publikuar 19 foto, të cilat tregojnë Trumpin, Clintonin, ish-princin Andrew, Ghislaine Maxwell, biznesmenin dhe filantropin amerikan Bill Gates etj.

Një foto tregon Jeffrey Epstein dhe Ghislaine Maxwell, duke qëndruar pranë ish-presidentit amerikan Bill Clinton dhe dy personave të tjerë që BBC ende nuk i ka identifikuar.

Duket se fotoja është nënshkruar nga ish-presidenti amerikan.

Sipas raportimeve, Clinton dhe Epstein kishin një marrëdhënie në fillim të viteve 2000, me një zëdhënës të ish-presidentit që më parë pranoi se ai kishte bërë katër udhëtime me stafin e tij në avionin privat të Epstein në vitet 2002 dhe 2003.

Mediat amerikane kanë raportuar, duke cituar regjistrat e fluturimeve, se Clinton ka udhëtuar në avionin e Epstein deri në 6 herë.

Clinton ka mohuar çdo shkelje në lidhje me Epstein. Në vitin 2019, një zëdhënës tha se ish-presidenti “nuk di asgjë për krimet e tmerrshme për të cilat Jeffrey Epstein është deklaruar fajtor në Florida disa vite më parë, apo për ato për të cilat është akuzuar kohët e fundit në New York”.

Epstein ishte i lidhur me shumë figura të njohura, dhe vetëm fakti që emri i dikujt përmendet në dokumentet lidhur me financuesin e diskredituar, nuk nënkupton ndonjë keqbërje nga ana e personave të përmendur.

Jo të gjitha fotot që janë publikuar sot nga demokratët në Komitetin Mbikëqyrës të Dhomës së Përfaqësuesve të SHBA-së janë të reja.

Aktualisht po i shqyrtohen dhe po përcaktohen se cilat janë publikuar më parë.

LEXONI GJITHASHTU:

• BE-ja e hedh poshtë padinë e Rusisë kundër Euroclear: Spekulative dhe e pabazuar
• Gjermania akuzon Rusinë për sulme kibernetike ndaj kontrollit ajror