Trump çon në humbje republikanët

13 Nëntor 2022 | 16:43

Demokratët në SHBA marrin frymë lirisht pasi arritën të ruajnë kontrollin në Senat.

Ata fituan një garë të rëndësishme siç ishte ajo në shtetin e Nevadës.

Senatorja Catherine Cortez Masto mposhti  republikanin Adam Laxalt, i cili u mbështet nga ish-presidenti Donald Trump.  

Të gjithë kandidatët e mbështetur nga Trump humbën në këto zgjedhje e për këtë arsye republikanët fajësojnë manjatin për rezultatin e dobët.

Presidenti i SHBA-së Joe Biden tha se ishte tepër i kënaqur dhe se ishte koha që republikanët të përcaktonin identitetin e tyre.

Udhëheqësi i shumicës demokrate në Senat, Chuck Schumer, u shpreh se rezultatet treguan se populli amerikan kishte hedhur poshtë “retorikën e dhunshme” të Partisë Republikane.

Demokratët do të kenë tani 50 vende në Senat, dhe republikanët 49.

Vendi i mbetur, Xhorxhia do të kalojë në balotazh në dhjetor.

Në rast se Senati ndahet në mënyrë të barabartë midis dy partive, zëvendëspresidentja Kamala Harris ka votën vendimtare.

Republikanët ende mund të marrin kontrollin e Dhomës së Përfaqësuesve të SHBA-së pasi votat vazhdojnë të numërohen. Nëse republikanët fitojnë Dhomën e Përfaqësuesve, ata ende mund të pengojnë një pjesë të madhe të agjendës së zotit Biden.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Trunk Bay shpallet plazhi më i mirë në botë, Elafonissi i Greqisë renditet i dyti

Një studim i ri i publikuar nga Beach.com ka renditur 25 plazhet më të mira në botë, duke u bazuar në të dhëna objektive si...
18:28 | 28/07/2026

Zelenskyy pas takimit me Trump: Në fokus mbrojtja ajrore, e rëndësishme që procesi diplomatik të rigjallërohet

Presidenti ukrainas Volodymyr Zelenskyy zbuloi detaje nga takimi me presidentin e SHBA-së Donald Trump në Shtëpinë e Bardhë teksa theksoi se folën rreth aksesit të...
18:12 | 28/07/2026

Musk zgjeron X, nga rrjet social në platformë bankare

Platforma X e Elon Musk po hyn zyrtarisht në sektorin bankar me lançimin e X Money, një shërbim të ri financiar që synon ta kthejë...
17:56 | 28/07/2026