Trump dhe Mahmoud Abbas takohen përpara nënshkrimit të Planit për Gazën

Midis udhëheqësve që shtrënguan duart me Donald Trump përpara nënshkrimit të Planit të Paqes për Gazën ishte edhe Presidenti i Autoritetit Palestinez, Mahmoud Abbas.

Abbasi kishte vizituar më herët presidentin amerikan në Shtëpinë e Bardhë gjatë mandatit të tij të parë, në vitin 2017.

Takimi i fundit vjen pasi SHBA-të, muajin e kaluar, bllokuan Abbasin dhe zyrtarë të tjerë palestinezë nga pjesëmarrja në Asamblenë e Përgjithshme të OKB-së, duke u revokuar vizat. Sekretari i Shtetit, Marco Rubio, e kishte akuzuar Autoritetin Palestinez për minimin e përpjekjeve për paqe.

Për kontekst: Autoriteti Palestinez është një organ qeverisës që ka kontroll mbi pjesë të Bregut Perëndimor të pushtuar nga Izraeli. Ai drejtohet nga lëvizja Fatah, rivale e Hamasit. Mahmoud Abbas është gjithashtu në krye të PLO-së – organizatës ombrellë që përfaqëson palestinezët në forumet ndërkombëtare.

Plani i Trump-it lë të hapur mundësinë e një roli për Autoritetin Palestinez në Gaza, pas kryerjes së reformave. Megjithatë, kryeministri izraelit Benjamin Netanyahu ka refuzuar përfshirjen e tij.

LEXONI GJITHASHTU:

• Trump firmos Planin e Paqes për Gazën pas lirimit të pengjeve
• Hamasi liron grupin e dytë të pengjeve si pjesë e armëpushimit në Gaza