Trump: Forca e madhe detare po lëviz drejt Iranit, shpresojmë që Teherani të ulet në tryezën e negociatave

Presidenti i SHBA-së,Donald Trump, njoftoi se një forcë e madhe detare amerikane, të cilën ai e përshkroi si një “armadë”, po lëviz drejt Iranit, duke shpresuar që Teherani të bjerë dakord për një marrëveshje “të drejtë dhe të ekuilibruar” për të shmangur përdorimin e armëve bërthamore dhe konfliktin e mundshëm.

Në një postim në Twitter, Trump tha se armada, e udhëhequr nga aeroplanmbajtësja USS Abraham Lincoln, po lëviz “me shpejtësi dhe fuqi të madhe, entuziazëm dhe vendosmëri”, duke vënë në dukje se është një flotë më e madhe se ajo e dërguar në Venezuelë.

Ai shprehu shpresën se Irani do të “ulet në tryezë” dhe do të arrijë një marrëveshje që ndalon përdorimin e armëve bërthamore dhe është “e mirë për të gjitha palët”.

Presidenti amerikan theksoi se koha po mbaron dhe përsëriti thirrjen e tij që Irani të kërkojë një marrëveshje, duke kujtuar veprimet e mëparshme ushtarake që ai i përshkroi si “Operacioni, Çekiri i Mesnatës”.

“Sulmi i ardhshëm do të jetë shumë më i keq! Mos e lini këtë të ndodhë përsëri”, përfundoi ai postimin e tij.