Trump monitoron sulmin iranian ndaj bazës amerikane në Katar

Presidenti i SHBA-së, Donald Trump, po monitoron nga Dhomat e Situatave të Shtëpisë së Bardhë situatën, ndërsa Irani ka nisur një sulm ndaj bazës ajrore amerikane në Katar, dy ditë pas një ofensive amerikane ndaj objekteve iraniane të pasurimit bërthamor.

Raportet thanë se Trump po ndjek me vëmendje zhvillimet dramatike, ndërkohë që SHBA-të kishin nisur “Operacionin Çekiç i Mesnatës” duke goditur tre objekte kyçe iraniane.

Shpërthime të fuqishme u dëgjuan në kryeqytetin e Katarit, Doha, pas një paralajmërimi të besueshëm nga diplomatët perëndimorë për një kërcënim iranian ndaj bazës ajrore Al Udeid, që është nën kontrollin e SHBA-së. Sipas një dëshmitari të Reuters, kërcënimi u shoqërua me shpërthimet e mëvonshme që shkaktuan panik.

Në një deklaratë të shpërndarë nga Forcat e Armatosura të Iranit, thuhet se sulmi ndaj bazës Al-Udeid ishte pjesë e “Operacionit Besharat Fatah” dhe ishte një përgjigje ndaj agresionit amerikan. “Republika Islamike e Iranit nuk do të lejojë asnjë sulm ndaj sovranitetit të saj territorial dhe sigurisë kombëtare pa një përgjigje të fuqishme,” thuhet në komunikatë.

Ndërkohë, Katari ka konfirmuar se nuk ka pasur viktima nga sulmi iranian, por Ministria e Jashtme ka dënuar këtë veprim si një shkelje të qartë të sovranitetit të Katarit dhe të ligjit ndërkombëtar. Si pasojë, autoritetet e Katarit kanë mbyllur përkohësisht hapësirën ajrore dhe kanë detyruar aeroplanët të devijojnë nga rrugët ajrore të zakonshme që kalojnë përmes kryeqytetit Doha, një nga aeroportet më të ngarkuara në botë.

Në një masë të tjera, ambasada amerikane në Katar u ka dhënë udhëzime qytetarëve amerikanë që të strehohen në vend për shkak të rrezikut të mundshëm nga përshkallëzimi i mëtejshëm i situatës.

LEXONI GJITHASHTU:

• Irani njoftoi Katarin para sulmit ndaj bazës amerikane për të shmangur viktimat
• Katari dënon sulmin ndaj bazës ajrore amerikane: Shkelje flagrante e sovranitetit