Trump nënshkruan urdhër për uljen e tarifave mbi makinat britanike

17 Qershor 2025 | 08:21

Presidenti i SHBA-së, Donald Trump, ka nënshkruar një urdhër ekzekutiv që ul tarifat mbi makinat e importuara nga Mbretëria e Bashkuar, duke vënë në zbatim pjesë të një marrëveshjeje tarifore të arritur muajin e kaluar mes dy vendeve.

Lajmi u konfirmua teksa Trump merrte pjesë në samitin e G7 në Kanada, ku kryeministri britanik, Sir Keir Starmer, e përshkroi vendimin si një “ditë shumë të rëndësishme” për marrëdhëniet tregtare SHBA–MB.

Ky zhvillim vjen pas disa javësh negociatash për të zbatuar marrëveshjen, e cila, sipas qeverisë britanike, synon të mbrojë bizneset e vendit nga ndikimi i tarifave të vendosura më herët nga administrata Trump.

Megjithatë, marrëveshja përfshin ende një tarifë 10% mbi shumicën e mallrave britanike, përfshirë automjetet, dhe nuk përmban masa për heqjen e tarifave mbi importet e çelikut – një çështje e ndjeshme për industrinë britanike.

Pakti është i pari që Shtëpia e Bardhë njofton pas vendosjes së një sërë tarifash të reja ndaj mallrave të ndryshme që hyjnë në SHBA, që prej fillimit të këtij viti.

Urdhri ekzekutiv u nënshkrua pak para se të bëhej e ditur se Presidenti Trump do të largohej përpara kohe nga samiti i G7 për shkak të zhvillimeve në Lindjen e Mesme.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Trump prezanton pasaportën e re amerikane me portretin e tij për 250-vjetorin e Pavarësisë së SHBA-së

Presidenti amerikan Donald Trump prezantoi të premten pasaportat koleksionuese që mbajnë portretin e tij, të cilat do të qarkullojnë në një numër të kufizuar në...
09:06 | 27/06/2026

Meloni dhe Trump, një grindje shumë publike që po rezulton shumë e vështirë për t’u rregulluar

Në rrjetet sociale në Itali po qarkullon një meme i gjeneruar nga inteligjenca artificiale, që tregon Giorgia Melonin duke bërë të gjitha gjërat që mund...
08:19 | 27/06/2026

Bilanci tragjik i tërmeteve në Venezunelë deri tani: 920 viktima dhe 3360 të plagosur

Më shumë se 900 persona janë vrarë dhe 3,360 të tjerë janë plagosur nga tërmetet në Venezuelë, sipas qeverisë, ndërsa ekipet e shpëtimit vazhdojnë të...
08:16 | 27/06/2026