Ish-presidenti i SHBA-së, Donald Trump është shfaqur shumë optimist , duke deklaruar në një rrjet amerikan se mund t’i japë fund luftës së Putinit në Ukrainë brenda 24 orëve .
Siç raporton gazeta amerikane “New York Post”, miliarderi amerikan mund të arrijë brenda një dite atë që Perëndimi nuk mundi përmes negociatave të përsëritura me të dyja palët: të vendosë një “kufi” në armiqësitë që kanë nisur që nga 24 shkurt 2022 me iniciativë të presidentit rus, Vladimir Putin .
Trump pohoi se nëse lufta në Ukrainë nuk ka përfunduar deri në zgjedhjet presidenciale të vitit 2024 dhe ai do të rizgjedhej në Shtëpinë e Bardhë, ai mund të “hynte në një ditë për të gjetur një marrëveshje paqeje.
Sipas mediave të huaja, Trump pretendoi se negociatat mes tij, presidentit ukrainas Volodymyr Zelensky dhe liderit rus Vladimir Putin do të ishin “të lehta”.
“Nëse nuk gjendet një zgjidhje për luftën (deri në zgjedhjet e 2024), unë do të gjej një zgjidhje për çështjen e luftës .Brenda 24 orëve së bashku me Zelensky dhe Putin, dhe unë mund të bëj një negociatë shumë të lehtë, por nuk dua t’ju them se për çfarë bëhet fjalë sepse atëherë nuk do të mund ta përdor. Unë do të mund të sjell paqen brenda një dite” -tha ai.
LEXONI GJITHASHTU: