Britania dhe Polonia do të ndërtojnë fshatra të përkohshme në Ukrainë

Britania e Madhe dhe Polonia do të ndërtojnë dy fshatra të përkohshme në perëndim dhe qendër të Ukrainës, për t’iu ofruar strehim atyre që janë detyruar të ikin nga shtëpitë e tyre, si pasojë e luftës në Ukrainë.

Londra ka thënë se do të ndajë fonde prej 12.3 milionë dollarëve, shkruan Radio Evropa e Lirë.

Pothuajse 118 mijë ukrainas janë strehuar nga familjet britanike, në kuadër të përgjigjes qeveritare ndaj pushtimit rus në Ukrainë – që ka nisur në shkurt të vitit 2022 – mirëpo disa refugjatë janë duke e pasur shumë të vështirë që të gjejnë shtëpi të përhershme, shkruan REL.

Qeveria britanike ka thënë se fshatrat në Lviv, në perëndim të Ukrainës dhe në Poltava në qendër të Ukrainës, do të mund të strehojnë më shumë se 700 njerëz – një përqindje e miliona ukrainasve që janë shpërngulur, apo janë larguar krejtësisht nga shteti.

LEXONI GJITHASHTU:

• Sulmohet baze ruse në Krime, inteligjenca britanike jep detaje
• “Qindra shqiptarë të zhdukur në Britani”, Kuçana: Rama në Londër duhej të adresonte…