‘Qindra shqiptarë të zhdukur në Britani’, Kuçana: Rama në Londër duhej të adresonte…

Gazetari në Londër Petrit Kuçana komentoi vizitën e kreut të qeverisë Edi Rama në Londër ku takoi homologun e tij britanik Rishi Sunak.

Në një intervistë për Euronews Albania, ai tha se janë të paktën 300 fëmijë të zhdukur në Britani dhe se vetë Rama duhet t’i adresonte këto probleme.

Sipas tij është detyrim kushtetues për çdo qeveritar që të mbrojë interesat e shqiptarëve kudo që janë.

“Sipas mediave britanike, janë të paktën 300 fëmijë shqiptarë të zhdukur në Britaninë e Madhe. Është detyra e Britanisë që të përkujdeset për këta.

A kemi ndonjë lajm nga këta, a janë gjetur këta. Është detyrim kushtetues për çdo qeveritar që të mbrojë interesat e shqiptarëve kudo që janë.

U prit që Rama në takimin me Sunak të adresonte disa nga këto probleme . Theksoj se Britania e Madhe ka nevojë jashtëzakonisht për punëtorë, janë më shumë se 1 milion vende të lira pune”- tha ai.

LEXONI GJITHASHTU: 

• Ahmetaj nën hetim nga SPAK. Gazetarja: Këtë javë do kemi zhvillime të reja
• Spahiu: Deklaratat raciste të Londrës për shqiptarët, si Hitleri për çifutët