EMRI| Merrte ryshfet për kalimet e personave në kufi, arrestohet polici

Është arrestuar inspektori Njazi Rexhepi në Durës pasi në këmbim të vlerave monetare, të cilat varionin nga 50 deri në 100 euro lejonte hyrje-daljet e shtetasve që kishin ndalesa për udhëtimin në zonën Shengen.

Këto ndërveprime korruptive të dokumentuara gjatë hetimeve, kryheshin në mënyrë të vazhdueshme dhe të përsëritur nga 57 vjeçari, përfshi edhe raste të lejimit të kalimit të shtetasve të shpallur në kërkim nga organet e drejtësisë, apo automjeteve, pa ju nënshtruar regjimit doganor.

“Gjithashtu, në funksion të këtij procedimi penal, Gjykata e Shkallës së Parë Durrës ka caktuar masën e sigurimit personal “Detyrim paraqitje në policinë gjyqësore” për shtetatasin E. S., 25 vjeç, i dyshuar për veprën penale të “Korrupsionit aktiv ndaj personave që ushtrojnë funksione publike”. Nga hetimet e kryera, ka rezultuar se ky shtetas, ka kryer ndërveprime korruptive me punonjësin e policisë NJ. R.”- njofton AMP.

Hetimet vazhdojnë për zbulimin e personave të tjerë të përfshirë në ngjarje.

LEXONI GJITHASHTU:

• Britania dhe Polonia do të ndërtojnë fshatra të përkohshme në Ukrainë
• Aktivisti: 6 milionë euro në vit mblidhen nga gjobat, 4 milionë nga vendparkimet