Trump: OKB-ja ka potencial të jashtëzakonshëm, por nuk e ka shfrytëzuar atë

Presidenti i SHBA-së, Donald Trump, hapi këtë të enjte ceremoninë kushtuar “Bordit të Paqes” ndërkombëtar me një devijim të fokusuar në politikën e brendshme.

Gjatë fjalimit të tij Trump tha se OKB-ja ka “potencial të jashtëzakonshëm”, por nuk e ka përdorur atë.

Ai deklaroi se ka disa “njerëz të shkëlqyer” në OKB, por theksoi se nuk foli me asnjërin prej tyre kur po punonte për “tetë luftërat që i dha fund”.

“OKB-ja nuk u përpoq mjaftueshëm për t’i zhdukur ata, tha ai, dhe në fakt nuk do të kishte mundur ta bënte këtë”, është shprehur Trump.

Përveç kritikave, ai theksoi se dëshiron që “Bordi i tij i ri i Paqes” të punojë “në bashkëpunim” me Kombet e Bashkuara.

“Sapo ky bord të formohet plotësisht, ne mund të bëjmë pothuajse çfarëdo që duam të bëjmë, dhe do ta bëjmë këtë në bashkëpunim me Kombet e Bashkuara. Gjithmonë kam thënë se Kombet e Bashkuara kanë një potencial të jashtëzakonshëm. Nuk e kanë përdorur, por ka një potencial të jashtëzakonshëm”, deklaroi ai.