Trump për tarifat: Shikoni si kërkojnë të negociojnë, duan të na puthin të pasmet

Presidenti amerikan Donald Trump ka shkaktuar sërish bujë në arenën ndërkombëtare, jo vetëm me tarifat e reja ndaj Kinës dhe Bashkimit Evropian, por edhe me një deklaratë aspak diplomatike që përshkruan mënyrën se si ai po e percepton reagimin e partnerëve tregtarë ndaj politikave të tij agresive.

“Po vdesin të bëjnë marrëveshje! Po na thërrasin për të na puthur të pasmet,” u shpreh Trump gjatë një darke me udhëheqësit republikanë.

Presidenti amerikan iu referua në deklaratën e tij përpjekjeve të shumta të vendeve të huaja, përfshirë Kinën, për të negociuar me Shtetet e Bashkuara pas vendosjes së tarifave të reja.

Kjo deklaratë vjen në një moment tensioni të lartë, kur Shtëpia e Bardhë ka njoftuar vendosjen e një tarife totale prej 104% ndaj importeve nga Kina, si dhe 20% ndaj Bashkimit Evropian, duke përshkallëzuar luftën tregtare që ka përfshirë ekonomitë më të mëdha të botës.

Tregjet aziatike reaguan me rënie të menjëhershme, ndërsa diplomatët evropianë dhe kinezë janë duke kërkuar mënyra për të shmangur përshkallëzimin. Presidentja e Komisionit Evropian, Ursula von der Leyen, në një bisedë telefonike me kryeministrin kinez Li Qiang, kërkoi “përmbajtje dhe zgjidhje të negociuar”.

Por retorika e Trump duket se shkon në drejtim të kundërt, duke sinjalizuar kënaqësi nga presioni që tarifat po ushtrojnë mbi kundërshtarët tregtarë të SHBA-së.

“Unë e di çfarë po bëj, dreqin!” tha ai, duke vënë theksin në stilin e tij të njohur, të drejtpërdrejtë dhe sfidues, që ka ndarë opinionin si brenda vendit, ashtu edhe ndërkombëtarisht.

Ndërkohë që edhe analistët janë të ndarë: për disa, kjo është një lëvizje taktike për të detyruar partnerët të ulen në tryezën e bisedimeve me kushte më të favorshme për SHBA-në. Për të tjerë, një përshkallëzim i tillë dhe gjuha fyese e një udhëheqësi i një prej fuqive më të mëdha në botë rrezikon të thellojë ndarjet dhe të dobësojë stabilitetin tregtar global.

Për momentin, sytë janë të gjithë te Pekini dhe Brukseli dhe se si ata do t’i përgjigjen jo vetëm tarifave, por edhe fjalëve të Trump.

🇺🇸😬 “Other countries are kissing my ass to make a trade deal,” – Trump

“They’re dying to make a deal. They kiss my ass and say, ‘Please, please, sir, make a deal, I’ll do anything, sir,’”
– said the President of the United States.

🤡 Trump also claimed he has received more… pic.twitter.com/jUu8R3C87A

— Devana 🇺🇦 (@DevanaUkraine) April 9, 2025

LEXONI GJITHASHTU:

• Truri i Trump për tarifat përplaset me Elon Musk: Montues makinash, mos fol
• Tarifat e Trump godasin rëndë tregjet në Azi, shënojnë rënien më të madhe në dekada
• Bursat “derdhin gjak”, efektet e tarifave amerikane: Rënie në SHBA, Evropë e Azi