Trump: Personi që mori Nobelin për Paqe ishte gati të ma dhuronte mua

Presidenti Donald Trump u anashkalua për Çmimin Nobel për Paqe të premten, pavarësisht se ai iu kundërvu kolegëve të tij republikanë, udhëheqësve të ndryshëm botërorë dhe vetes së tij, shkruan AP News.

Liderja e opozitës venezueliane, María Corina Machado, u vlerësua me çmimin Nobel për Paqen, pasi u nominua vitin e kaluar nga një grup që përfshinte senatorin e atëhershëm Marco Rubio, i cili tani është sekretari i shtetit të Trump.

Megjithatë, Machado tha se donte t’ia kushtonte fitoren Trumpit, së bashku me njerëzit e vendit të saj, ndërsa vlerësoi presidentin për mbështetjen e kauzës së saj.

Menaxherja e fushatës së saj, Magalli Meda, konfirmoi se Trump e uroi Machadon në një telefonatë të premten.

Më vonë në Shtëpinë e Bardhë, Trump renditi përpjekjet për paqe që kishte bërë gjatë kohës që ishte në detyrë këtë vit.

“Personi që në fakt mori Çmimin Nobel më telefonoi dhe më tha: ‘Po e pranoj këtë në nderin tënd sepse e meritoje vërtet”, u shpreh Trump.

“Nuk thashë, ‘Atëherë ma jep mua’.Mendoj se mund ta ketë thënë. Ishte shumë e sjellshme”, shtoi ai.

Trump sugjeroi gjithashtu që çmimi, i cili ka një afat deri më 1 shkurt për nominime, u dha për arritjet e vitit 2024.

“Mund të thuash gjithashtu se u dha për vitin 2024, dhe unë kandidoja për post në vitin 2024”, tha Trump.

Ndërkohë, Drejtori i komunikimit në Shtëpinë e Bardhë, Steven Cheung, tha se anëtarët e “Komitetit Nobel vërtetuan se e vënë politikën mbi paqen” sepse nuk e njohin Trumpin, veçanërisht pas marrëveshjes së armëpushimit në Gaza që administrata e tij ndihmoi të arrihej këtë javë.

LEXONI GJITHASHTU:

• Reagon për herë të parë Maria Machado, pas marrjes së Çmimit Nobel për Paqen