Trump: Jemi shumë afër një marrëveshjeje për programin bërthamor me Iranin
Presidenti amerikan Donald Trump tha sot se Shtetet e Bashkuara të Amerikës janë shumë afër arritjes së një marrëveshjeje bërthamore me Iranin dhe se Teherani “në një farë mënyre” ka rënë dakord me kushtet.
“Jemi në negociata shumë serioze me Iranin për paqe afatgjatë”, tha Trump, i cili ndodhet sot në Katar gjatë turneut të tij në Lindjen e Mesme, raportoi Reuters.
Këshilltari i udhëheqësit suprem iranian, Ajatollah Ali Khamenei, Ali Shamkani, tha më herët sot se Irani është gati të bjerë dakord për një marrëveshje mbi programin bërthamor, në negociata me SHBA-në, në këmbim të heqjes së sanksioneve ekonomike.
Në një intervistë me NBC News, ai tha se Irani do të zotohej të mos prodhonte kurrë armë bërthamore dhe se do të eliminonte rezervat e tij të uraniumit të pasuruar në nivel të lartë.
Ekipet negociuese SHBA-Iran kanë zhvilluar disa takime në Muscat dhe Romë në muajt e fundit mbi temën e programit bërthamor të Iranit, të cilin SHBA-të duan ta përjashtojnë çdo mundësi të përdorimit ushtarak.
LEXONI GJITHASHTU:
Kryefaqja
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta