Trupat ruse kryejnë grabitje masive të çelikut në fabrika dhe porte në Ukrainë

Ofensiva Ruse në territorin Ukrainas tani është shtrirë në një tjetër qasje. Grabitja e çelikut duket se tashmë është një tjetër synim i trupave ruse në Ukrainë ku dëmi përllogaritet të jetë i konsiderueshëm, me një vlerë rreth 600 milion dollarë.

Pre e grabitjes janë fabrikat e mëdha të prodhimit të çelikut por edhe zonat portuale, ndërkohë akuzat janë hedhur nga Metinvest, i cili ëhstë prodhuesi më i madh i çelikut në Ukrainë.

Firma zotëron fabrikën Azovstal, strehëz për shumë kohë e ushtarëve dhe civilëve ukrainas gjatë bombardimeve ruse të qytetit Mariupol.

Ndërkohë shefi ekzekutiv i Metinvest, Juri Rizhenkov tha se çeliku po transferohej në Rusi dhe po shitej, një pjesë e të çilit kishte destinacion Europën. Por nga ana e Kremlinit zyrtar ende nuk ka një qëndim në lidhje me akuzat e palës ukrainase mbi grabitjen masive të çelikut.

“Ata jo vetëm që po grabisin produktet tona, por edhe klientëve europianë, të cilët i kanë blerë tashmë ato produkte”, nënvizoi më tej drejtuesi i Metinvest.

Ai shtoi se kompania po dokumenton këtë grabitje dhe po përgatitt një kuadër ligjor në të ardhmen kundër pushtuesit  rus.