Trupat turke mbërrijnë në Kosovë, në kuadër të misionit të NATO-s

Misioni i NATO-s në Kosovë, KFOR, ka njoftuar se Forca Operative Rezervë Turke ka mbërritur në Kosovë për të filluar një vendosje të përkohshëm.

Sipas njoftimit të KFOR-it, njësia turke ka marrë përgjegjësitë nga Batalioni Multinacional i Forcës Operative Rezervë, në kuadër të planit të rotacionit të mbikëqyrur nga Komanda e Forcës së Bashkuar të NATO-s në Napoli, Itali.

Gjithashtu bëhet e ditur se gjatë muajve në vijim ky batalion do të realizojë aktivitete përkrah njësive të tjera të KFOR-it, i gatshëm për të reaguar ndaj çdo zhvillimi në situatën e sigurisë.

“Batalioni turk i ORF-së do të kryejë një sërë aktivitetesh së bashku me njësitë e tjera të KFOR-it, të gatshme për t’iu përgjigjur çdo zhvillimi në situatën e sigurisë. Përforcime të tilla rrisin fleksibilitetin operacional dhe gatishmërinë e KFOR-it për t’iu përgjigjur zhvillimeve të mëtejshme në fushën e sigurisë”, tha KFOR-i.

“Këto forcime përmirësojnë fleksibilitetin operacional të KFOR-it dhe gatishmërinë për t’u përgjigjur ndaj zhvillimeve të sigurisë që ndryshojnë”, thuhet në njoftimin e NATO-s.

KFOR-i, i cili filloi operacionet në Kosovë më 12 qershor 1999, sipas një mandati të Këshillit të Sigurimit të OKB-së për të siguruar sigurinë dhe stabilitetin, aktualisht përfshin më shumë se 4,500 personel nga 33 vende anëtare dhe jo-anëtare të NATO-s.

Turqia është planifikuar të marrë komandën e KFOR-it për një mandat njëvjeçar, duke filluar nga 3 tetori.

LEXONI GJITHASHTU:

• Mali i Zi i dërgon notë verbale ambasadës së Kosovës për të shtënat në kufi
• “Liri për komandantët e UÇK”, protestë mbarëkombëtare më 17 tetor në Tiranë