‘TUMO’, menaxherja Shqipe Berisha jep detaje rreth mënyrës së regjistrimit dhe çmimeve

Në një intervistë për Euronews Albania, Shqipe Berisha, menaxhere e përgjithshme e ‘TUMO’ foli rreth mundësive që kjo qendër kreativiteti, siç e quan dhe vet ajo, ju jep adoleshentëve të grupmoshës 12-18 vjeç.

“’TUMO’ ofron një praktikë komplet të re edukimi”,- tha Shqipe Berisha teksa tregoi se si studentët në këtë qendër do të kenë mundësi të zgjedhin vetë lëndët e tyre dhe më pas njohuritë e marra t’i vënë në zbatim në laboratorët përkatëse, me ndihmën e ekspertëve të fushës.

Znj. Berisha tregoi se në këtë qendër edukimi do të jepen edhe bursa ndërkohë që një pagesë mujore është 5000 lekë të reja.

Në tirana.tumo.al mund të aplikohet dhe të merren detajet për klasat ku studenti dëshiron të angazhohet.

Pasditen e të martës në ambientet e stadiumit ‘Air Albania’, u inagurua qendra më e madhe e inovacionit  në Tiranë.

Qendra mban emrin ‘TUMO’, siç quhet edhe në Paris, Berlin dhe Yerevan.

Ajo synon të aftësojë të rinjtë me njohuritë e shekullit 21 duke ofruar kurrikula në fushën e inovacionit dhe artit.

Lexoni gjithashtu: 

Përurohet qendra e teknologjisë ”TUMO” në stadiumin ”Air Albania”