Turistë nga Britania dhe Franca në vend, rriten çmimet deri në 30%

Plazhet shqiptare po tërheqin pushues britanikë, spanjollë e francezë këtë vit. Operatorët turistikë janë të kënaqur me fluksin muajit qershor, por fillimi i korrikut duket të jetë më i vakët.

“Muaji qershor ishte një muaj i mirë në përgjithësi dhe gjithmonë në nivel operimi me operatorët ku do të thoja se kapacitetet ishin deri në 70%. Korriku nuk na rezulton i tillë”,  tha kryetari i Shoqatës së Industrisë së Turizmit në Sarandë, Arben Çipa.

Çipa thotë se turistët qëndrojnë një javë në Shqipëri dhe brenda kësaj periudhë lëvizin në qytete të ndryshme në vend.

“Qëndrimi është javor në përgjithësi, kemi raste që mund të qëndrojnë edhe 9 vetë, por që bazohemi te qëndrimi javor”, sipas tij.

Por si janë çmimet këtë vit në zonat e pushimit dhe ku ndahet inflacioni nga abuzimi?

“Në lidhje me çmimet, kemi një rritje 20% automatikisht të kostove tona, duke filluar nga agjencitë e transportit, me rritjen e çmimin e naftës, po ashtu edhe produktet dhe lëndën e aprë që hotelet disponojnë”, theksoi Çipa.

Operatorët janë optimistë për muajin gusht, kur shohin prenotimet në hotele nga turistë të huaj, apo shqiptarë që kthehen përkohësisht në vendlindjen e tyre.

LEXONI GJITHASHTU

• Rruga “Egnatia” e harruar, studiuesi Tare: Duhet kthyer në atraksion turistik
• Sezoni turistik shton të sëmurët në pediatrinë e Vlorës, frikë nga COVID-19