Turistët frekuentojnë Voskopojën, rezervimet për fundvit të mbyllura

Voskopoja vazhdon të presë me qindra turistë çdo fundjavë. Në këtë sezon ata që vizitojnë këtë fshat turistik janë turistët vendas, të cilët janë kthyer në pushues besnikë të fshatit të gurtë.

Edhe pse ende jo e mbuluar nga bora, Voskopoja vazhdon të jetë destinacioni kryesor i pushuesve.

Këtë fundjavë rrugët e kalldrëmta kanë qenë të populluara nga turistët.

“Ne jemi nga Fieri, kemi 3 ditë në Voskopojë, unë kam qenë dhe here te tjera, vijmë vit për vit në Voskopojë. Çmimet mirë”, u shpreh një turist.

“Vijmë nga Durrësi. Është shumë bukur, ambienti shumë i këndshëm, mikpritja pa diskutim dhe gjithçka perfekte. Jemi një nga ndërmarrjet e qytetit të Durrësit, plot 50 veta. Ne vijmë shpesh por këtë vit kemi ardhur dy herë për shkak se na ka pëlqyer shumë”, tha një tjetër pushuese.

Rreth 90% e shërbimit të hoteleri turizmit ka qenë i rezervuar fundjavat e fundit, ndërkohë qe për festat e fundvitit të gjithë hotelet janë të rezervuar.

LEXONI GJITHASHTU:

• Rezultatet e primareve, 8 bashki në balotazh më 11 dhjetor
• Gazetari Ferhati: 2 rrugët ku nuk kalon dot askush më 6 dhjetor
• “Shmangu përplasjen”, Baton Haxhiu tregon pse nuk vjen Kurti në samit