“Turizmi do vihet nën kontroll”- Çfarë parashikon pr.ligji i ri i qeverisë

Sipërmarrësit ne sektorin e turizimit do të përballen me rregulla të forta vitin e ardhshëm. Sipas ligjit të ri, ata duhet të afishojnë cmimet në plazhe, hotele e restorante dhe duhet të ofrojnë standarde sigurie për vizitorët.

Transparenca me çmimet dhe deklarimi i turistëve do të jetë objektiv për qeverinë, për sezonin e ardhshëm turistik. Rregullimi i shërbimit është në fokus të projektlgjit të ri, të hedhur për konsultim, i cili veç të tjerash do të rritë shumën e të ardhurave në buxhetin e shtetit.

Nëni 64 i draftit përcakton katër pika detyrime për sipërmarrësit turistikë.

E para, çdo strukturë akomoduese, operator turistik apo agjenci udhëtimi e stacion plazhi duhet të ekspozojë dukshëm listat e çmimeve për produktin dhe shërbimin që ofron në gjuhën shqipe dhe angleze.

Një tjetër pikë sanksionon se çdo sipërmarrës turistik ekspozon emrin e biznesit, si dhe procedurën e ankimit, në gjuhën shqipe dhe angleze.

Pika e tretë vijon me ofrimin e standardeve të shërbimi. “Çdo sipërmarrës turistik, gjatë ushtrimit të veprimtarisë garanton sigurimin e standardeve të shërbimit që ofron”.

Në pikën katër përfshihet nevoja për një kontratë sigurimi për sigurimin e përgjegjësisë ndaj palëve të treta duke përfshirë në këtë pjesë kompanitë e sigurimit.

“Çdo sipërmarrës turistik, gjatë ushtrimit të veprimtarisë duhet të ketë një kontratë të vlefshme sigurimi për sigurimin e përgjegjësisë ndaj palëve të treta si rezultat i mospërmbushjes së detyrimeve, përfshirë aftësinë paguese dhe falimentimin”.

Shqipëria po shënon gjatë këtij viti një rekord historik sa i takon numrit të vizitorëve duke regjistruar deri në fund të shtatorit një shifër prej 8.2 milionë vizitorë.

LEXONI GJITHAHSTU:

• Pr.ligj i ri për turizmin: Luftë informalitetit, gjoba për “fshehjen” e vizitorëve
• BERZH dhe Raiffeisen Bank mbështesin turizmin dhe agrobiznesin, 12 mln euro