Tushi: Prindërit nuk kalojnë shumë kohë me fëmijët, i japin celularin

Sociologu Gëzim Tushi, i ftuar në emisionin “Good Morning Albanians” në Euronews Albania, është shprehur se ende në zonat periferike dhe rurale, mbizotëron sistemi i vjetër i përdorimit të instrumenteve të gabuara të prindërimit.

Ai theksoi se futja e teknologjisë moderne, ka zbehur komunikimin mes prindërve dhe fëmijëve, duke shtuar se kjo është mënyra e gabuar.

“Kemi ende në zona periferike dhe rurale ku sistemi i vjetër i përdorimit të instrumenteve të gabuara të prindërimit është funksionarë dhe me peshë.  Ajo që dua  të theksojë është reduktimi i kohës së prindërimit për shkak të zhvillimit të shoqërisë sonë, që është një shoqëri e shpejtësive të mëdha. Është reduktuar koha e komunikimit mes prindërve dhe fëmijëve. Prindërit u vënë kufijt fëmijëve pa komunikuar dhe pa pranuar të drejtën e tij për të qenë i lirë. Në shoqërinë shqiptare si rezultat i futjes së teknologjisë moderne ka fituar një ide e gabuar, ku prindërit në vend që të merren me fëmijët drejtpërdrejt,  mendojnë se këtë gjë mund ta bëjë teknologjia. Përdorimi teje mase i rrjeteve sociale, dhe celularëve nga fëmijët, i ka bërë ata të jenë më pak të komunikueshëm”-tha ai.

LEXONI GJITHASHTU: 

• Shpërthen rafineria e naftës/ Raportohet për 37 viktima, mes tyre dhe fëmijë
• Sulm me armë në një universitet në SHBA, pesë të plagosur