Kompania amerikane Twitter tha se po i jep fund masave për të luftuar dezinformatat në lidhje me virusin Covid-19, të cilat përfshijnë etiketa dhe mesazhe paralajmëruese me informacione të diskutueshme dhe heqjen e tweet-eve që bëjnë pretendime të rreme për vaksinat.
“Që nga 23 nëntori 2022, Twitter nuk zbaton më masa speciale për të kontrolluar informacionin në lidhje me Covid-19”, thuhet në një deklaratë në faqen zyrtare të Twitter, raporton Reuters.
Miliarderi amerikan Elon Musk mori drejtimin e kompanisë Twitter në tetor dhe menjëherë pas kësaj nisi një sërë reformash.
Pasi mori përsipër kompaninë, Musk tha se donte të krijonte një këshill për moderimin e përmbajtjes që do të përfshinte moderatorë me “pikëpamje shumë të ndryshme”, raporton Reuters.
LEXONI GJITHASHTU: