Shqipëria, kandidaturë të përbashkët me Serbinë për pritjen e EURO 2027 për U-21

Federata Shqiptare e Futbollit ka dorëzuar në UEFA kërkesën për të pritur finalet e EURO 2027 për U-21.

Përmes një njoftimi për mediat FSHF bën me dije se Shqipëria është një nga kandidatet kryesore për të organizuar ndeshjet finale të Kampionatit Europian 2027 për ekipet kombëtare U-21.

“FSHF i ka dërguar kërkesën UEFA-s, që Shqipëria të jetë një nga vendet pritëse të finaleve të këtij kompeticioni. Duke qenë se nuk plotësohen kushtet sa i përket numrit të stadiumeve që kërkohen në mënyrë  që vendi ynë të presë të gjitha ndeshjet finale të Kampionatit Europian U-21, FSHF do të bashkëpunojë me Federatën Serbe të Futbollit për të pritur së bashku fazën finale të EURO 2027 për grupmoshën U-21. Ky është pa asnjë dyshim një projekt shumë ambicioz, që do ta vendoste Shqipërinë në qendër të vëmendjes futbollistike të gjithë kontinentit”, bën me dije FSHF.

LEXONI GJITHASHTU:

• FSHF: Biletat për Shqipëri – Kili do të shiten edhe fizikisht në hyrje të stadiumit
• FSHF: Finalja e Kupës së Shqipërisë do të luhet më 14 maj në “Air Albania”