“U arrestua në mënyrën më brutale”, Berisha reagon për shoqërimin e Alimadhit

Kreu i Partisë Demokratike, Sali Berisha, ka reaguar pas shoqërimit nga Policia e Tiranës të kreut të Ballit Kombëtar, Adriatik Alimadhi në një lokal në rrugën e Dibrës.

Berisha deklaroi se Adriatik Alimadhi “u arrestua në lokalin e tij, vetëm pse i pyeti: çfarë doni dhe pse keni ardhur”.

“Ky regjim që në vitin elektoral vendos të arrestojë liderët e tre partive kryesore opozitare dhe më së fundmi mbrëmë, në mënyrën më brutale, më staliniste, arreston kryetarin e një partie tradicionale, të Ballit Kombëtar, në lokalin e tij, vetëm pse u kërkoi, i pyeti: çfarë doni, pse keni ardhur, një bandë me uniformë. Nga ky regjim që nuk njeh ligj, nuk njeh Kushtetutë, nuk njeh normë as moral kur vjen puna për të grabitur, plaçkitur pasuritë e shqiptarëve, buxhetin dhe për t’i zhytur ata gjithnjë e më thellë në mjerim”, deklaroi Berisha.

LEXONI GJITHASHTU:

• Policia sqaron ngjarjen: Pse e shoqëruam Adriatik Alimadhin
• Flamur Noka publikon videon: Adriatik Alimadhi u shoqërua forcërisht nga policia