U arrestua për dhunë ndaj bashkëshortes, lihet në burg ish-drejtori i burgut 

Gjykata e Korçës ka vendosur masën e sigurisë arrest me burg për Durim Toskën, ish-drejtor i burgut të Fushë-Krujës i arrestuar 2 ditë më parë me akuzën e dhunës në familjes.

Burime bëjnë me dije se avokatët e 52-vjeçarit kanë kërkuar një masë më të butë sigurie, kërkesë e cila nuk është marrë parasysh nga gjykata e Korçës.

Durim Toska u shkarkua nga detyra nga ministri i Drejtësisë Ulsi Manja, me propozim të drejtorit të përgjithshëm të Burgjeve, për cenimin e kritereve etike e ligjore.

Ai u vu në pranga nga policia e Pogradecit të shtunën me akuzën e dhunës në familje dhe armëmbajtjes pa leje.

Toska drejtonte IEVP Fushë-Krujë prej disa muaj, ndërsa më herët ka qenë edhe kreu i burgut Drenovë.

LEXONI GJITHASHTU:

• Arrestohet për dhunë në familje, drejtori i burgut të Fushë-Krujës
• Zbulohet arsyeja e shkarkimit të drejtorit të burgut të Fushë-Krujës