“U bllokua shteti!” Shabani: Përfundojmë në kolaps sa herë vjen një ndërkombëtar

Kreu i nismës Thurje, Endri Shabani ishte këtë të enjte në “Now me Erla Mëhillin” ku tha se mjafton të vijë një zyrtar në Shqipëri që vendi ynë të futet në kolaps.

Ai tha se nuk mendon se Shqipëria rrezikon të futet në ndonjë luftë rajonale, pasi duke qenë vend anëtar i NATO-s, nëse vendi ynë futet në luftë e gjithë NATO futet në luftë.

“Nuk ka asnjë shans që Shqipëria të futet në luftë sa kohë nuk ka një luftë botërore, pasi jemi vend anëtar i NATO-s dhe pika 5 thotë se nëse Shqipëria futet në luftë, e gjithë NATO futet në luftë. Por ne kemi pasur sulme kibernetike. Por edhe bllokimi i rrugëve, sa herë që këtu vjen një ndërkombëtar, reflektohet shteti që kemi ndërtuar.

Kemi një shtet që bllokohet nga një qytet, ku 1000 policë bllokojnë vendin. Edhe kur ka ardhur Papa, Merkel apo persona menjë rrezikshmëri, Shqipëria për mënyrën se si menaxhohet si nga pikëpamja urbanistike qoftë nga pikëpamja e sigurisë, që menaxhohet shumë keq ne përfundojmë në kolaps”,-tha Endri Shabani.

LEXONI GJITHASHTU:

• “Rama avokat i Serbisë”- Analisti: Ja çfarë duhet t’i thoshte Blinkenit për Kosovën
• Mesazhi Blinken për Kosovën: Dialogu i lehtësuar nga BE, i vetmi shteg i duhur