U dënua me 250 euro gjobë, reagon Albin Kurti: Mos u mërzisni ju

Kryeministri i Kosovës Albin Kurti i është përgjigjur mediave pas një pyetje në lidhje me gjobën prej 250 eurosh për mosparaqitjen në Prokurorinë Speciale.

Prononcimi i tij erdhi pas një takimi në kuadër të konsultimeve që po zhvillon me partitë politike për formimin e qeverisë së re.

Kurti tha se ndonjëherë dënohet, por u kërkoi gazetarëve të mos mërziten.

“Më dënojnë mua ndonjëherë, por mos u mërzisni ju”, tha Kurti për gazetarët.

Kujtojmë që sot, Kurti është gjobitur nga Gjykata Themelore e Prishtinës me 250 euro për mosparaqitje në Prokurorinë Speciale të Kosovës (PSRK) për të dëshmuar lidhur me rastin e rezervave shtetërore, pas tri ftesave të Prokurorisë.

LEXONI  GJITHASHTU:

• Kurti dënohet me 250 euro gjobë për mos paraqitjen e tij në Prokurorinë Speciale
• Formimi i qeverisë në Kosovë, Kurti shpreson tek NISMA, opozita kundër Vetëvendosjes