U dënua nga gjykata, nënkomisari që vrau veten, në 2022 ishte konfliktuar me fqinjin

Specialisti i Policisë Kriminale, Arben Pjeçi i vetëvrarë në ambientet e policisë së Durrësit ishte dënuar nga Gjykata e Durrësit për plagosje të lehtë.

Bëhet fjalë për një ngjarje të ndodhur në vitin 2022 në Kavajë, ku Pjeçi ishte konfliktuar fizikisht me fqinjin i cili gjithashtu është dënuar nga gjykata për plagosje të lehtë.

Dënimi me vendim të formës së prerë nga Gjykata e Shkallës së Parë e Juridiksionit të Përgjithshëm Durrës, solli pezullimin e tij nga detyra dhe më pas vetëvrasjen e oficerit në kushtet e depresionit.

57-vjeçari shërbente në policinë e shtetit prej më shumë se 30 vjetësh.

LEXONI GJITHASHTU:

• Ishte dënuar për plagosje, nënkomisari i Durrësit u vetëvra në kushtet e depresionit
• EMRI| Vetëvritet brenda ambienteve të komisariatit nënkomisari