U ekstradua nga Dubai, GJKKO lë në burg Denis Bajrin
Gjykata e Posaçme Kundër Korrupsionit dhe Krimit të Organizuar ka vendosur masën e sigurisë “arrest në burg” për Denis Bajrin, 37 vjeçarin e akuzuar për vrasjen e Gjin Ndojit në gusht të vitit 2020 në Shkodër.
Bajri u ekstradua të mërkurën nga Dubai, pasi ishte arrestuar më 27 shkurt 2024 në Emiratet e Bashkuara Arabe. Ai ishte shpallur në kërkim ndërkombëtar si pjesë e megaoperacionit “Metamorfoza”, i fokusuar në shkatërrimin e grupeve kriminale që veprojnë në Shkodër dhe më gjerë.
Sipas SPAK, ndaj Denis Bajrit rëndojnë pesë akuza të rënda që lidhen me aktivitetin e grupit të strukturuar kriminal të njohur si “Bajrat e Shkodrës”.Akuzat ndaj tij janë: “vrasje me paramendim” kryer në kuadër të grupit të strukturuar kriminal, “prodhimi dhe mbajtja pa leje e armëve luftarake”, “grup i strukturuar kriminal”, “kryerja e veprave penale nga organizata kriminale” dhe “sigurimi i kushteve dhe mjeteve materiale për të kryer vrasje”.
Hetimet e thelluara të SPAK janë mbështetur në përgjimet e aplikacionit të koduar “Sky ECC”, ku janë zbuluar komunikime që lidhen direkt me vrasjen e Gjin Ndojit (njohur edhe si Gjin Boriçi), i cili u ekzekutua në Vau Dejës më 9 gusht 2020. Sipas këtyre përgjimeve, Denis Bajri ka lajmëruar përmes mesazheve bashkëpunëtorët e tij duke konfirmuar vrasjen me fjalën “kryvi”, Ai ia dërgoi mesazhin Behar Bajrit dhe më pas grupi lajmëroi dhe porositësin Ervis Martinaj.
Sipas dosjes së SPAK ishte Pëllumb Gjoka, që ndërmjetësoi mes Ervis Martinaj dhe Bajrave të Shkodrës për vrasjen e Boriçit. Në këmbim, Gjoka i kërkoi Martinajt eliminimin e ish-efektivit të burgjeve Kleanth Musabelliu, me të cilin kishte konflikte. Megjithatë, tentativa për vrasjen e Musabelliut dështoi dhe nuk u realizua.
LEXONI GJITHASHTU:
U plagos në Maliq, efektivi i nënshtrohet një ndërhyrjeje kirurgjikale
Miratohet projektligji për CENSI-n e bujqësisë, fermerët që nuk përgjigjen, do të gjobiten
Erion Braçe del kundër Ramës për Zvërnecin (VIDEO)
- 15:04 U plagos në Maliq, efektivi i nënshtrohet një ndërhyrjeje kirurgjikale
- 14:50 Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona
- 14:50 Mojtaba Khamenei shpall fitoren ndaj SHBA: Armiku u poshtërua në fushën e betejës
- 14:46 Miratohet projektligji për CENSI-n e bujqësisë, fermerët që nuk përgjigjen, do të gjobiten
- 14:43 Kursi i Euros me Lekun bie përsëri, po shkon drejt pragut të 95 lekëve
- 14:39 Treni i mallrave përplaset me një kamion në SHBA, 1 viktimë dhe 1 i plagosur rëndë! 17 vagona dalin nga shinat