U ekstradua nga Zimbabve, lihet në burg Loran Dushe. Sëmuret sa vjen në Shqipëri

Gjykata e Posaçme kundër Korrupsionit dhe Krimit të Organizuar ka vendosur të lërë në fuqi masën e sigurisë “arrest në burg” për Loran Dushen, i cili u ekstradua dy ditë më parë nga Zimbabve në Shqipëri. Dusha ishte në kërkim ndërkombëtar prej vitit 2022, pasi ndaj tij rëndojnë akuzat për “korrupsion aktiv të funksionarëve të lartë shtetërorë ose të zgjedhurve vendorë” dhe “pastrim të produkteve të veprës penale ose të veprimtarisë kriminale”, të kryera në bashkëpunim.

Sipas hetimeve të SPAK, Loran Dusha, në cilësinë e administratorit të inceneratorit të Fierit, ka përfituar në mënyrë të paligjshme fonde publike, duke përdorur fatura dhe pagesa fiktive për punë dhe shërbime që nuk janë kryer realisht.

Pas ekstradimit, 42-vjeçari iu dorëzua Drejtorisë së Përgjithshme të Burgjeve. Në seancën e së hënës, ai nuk ishte i pranishëm për shkak të gjendjes së tij shëndetësore, pasi është shtruar në spitalin e burgut.

LEXONI GJITHASHTU:

• GJKKO shpall vendimin për inceneratorin e Tiranës, dënohet Lefter Koka dhe 6 zyrtarë
• SPAK kërkon në Apelin e Posaçëm ndryshimin e vendimit për Bllakon dhe Kokën