U ekzekutua brenda makinës, 48-vjeçari dyshohet të jetë vrarë për hasmëri

Lulzim Visha, 48-vjeçari i cili u gjet i vrarë mëngjesin e kësaj të premteje mund të jetë ekzekutuar për shkaqe hasmërie.

Sipas informacioneve të siguruara nga Euronews Albania, Visha dyshohet se është qëlluar për shkak të hasmërisë, pasi vëllai i tij disa vite më parë ka vrarë një person.

Sipas të dhënave paraprake viktima është vëllai i Besnik Vishës.

Besnik Visha, më datë 10 Prill të vitit 1997, ka vrarë më armë zjarri, për motive të dobëta Refik Domin, ngjarje e kjo e ndodhur në afërsi të Universitetit Bujqësor Tiranë. Për këtë ngjarje ai është dënuar me 12 vite burg nga Gjykata e Rrethit të Tiranës.

Trupi i pajetë i 48-vjeçarit u gjet rreth orës 07:40, në rrugën “Shën Stefani”, në Zall Mner. Sipas njoftimit të policisë ai ëhstë qëlluar me armë zjarri.

Shërbimet e Policisë ndodhen në vendngjarje. Ndërkohë grupi hetimor, në drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ëve.

LEXONI GJITHASHTU:

• Tiranë/ Gjendet i vrarë me armë zjarri brenda makinës 48-vjeçari
• “Më ngacmonte gruan”, flet autori i vrasjes së 81-vjeçarit: Pasi e vrava mora lekët