U gjet e vdekur poshtë urës, identifikohet gruaja. Policia: 17 të shoqëruar

Policia e Durrësit ka mundur të identifikojë pas rreth 5 orësh e gjysmë gruan e cila u gjet e pajetë poshtë urës së “Dajlanit”.

Sipas policisë ajo është shtetasja Luljeta Preza, 32 vjeçe, banuese në Sukth, Durrës.

Nga kqyrja e trupit të viktimës ekspertët e mjekësisë ligjore, dyshojnë se kjo shtetase ka humbur jetën për shkak të dëmtimeve të marra në trup, nga një mjet prerës.

Deri më tani, në ambientet e Policisë së Durrësit, janë shoqëruar 17 shtetas të cilët dyshohet se kanë dijeni për këtë rast.

Grupi hetimor vijon hetimet e thelluara për të dokumentuar plotësisht rrethanat e këtij rasti, si dhe për të gjetur autorin ose autorët që kanë dhunuar dhe vrarë 32-vjeçaren.

LEXONI GJITHASHTU:

• U gjet e vdekur poshtë urës, dyshohet se vajza në Durrës është abuzuar seksualisht
• Gjendet e pajetë një vajzë poshtë urës së “Dajlanit” në Durrës
• 67-vjeçari godet me grusht efektivin brenda komisariatit, arrestohet në flagrancë