U grindën për motive të dobëta, babai qëllon me thikë të birin adoleshent

Një 55-vjeçar është arrestuar nga policia në Fushë-Arrëz, pasi ka goditur me thikë të birin pas një konflikti për motive të dobëta.

Policia bën me dije se babai ka nxjerrë thikën dhe ka qëlluar 19-vjeçarin pas një konflikti të çastit.

I riu është transportuar me urgjencë drejt spitalit të qytetit, ku po merr kujdesin e nevojshëm mjekësor jashtë rrezikut për jetën. Ndërkohë që babai është ndaluar nga policia dhe është shoqëruar në komisariat.

Policia dhe grupi hetimor po vijojnë punën për zbardhjen e plotë të shkaqeve dhe rrethanve të ngjarjes.

Njoftimi i policisë:

Dyshohet se goditi me mjet prerës (thikë), djalin e tij, gjatë një konflikti të çastit, për motive të dobëta, si rezultat i veprimeve të shpejta të Policisë, kapet dhe shoqërohet në Komisariat, shtetasi A. M.

Mesditën e sotme, menjëherë pas marrjes së njoftimit, se në fshatin Fushë Arrëz, ishte dëmtuar me mjet prerës një 19-vjeçar, shërbimet e Policisë kanë shkuar menjëherë në vendin e ngjarjes.

Nga veprimet e shpejta të shërbimeve të Policisë është kapur dhe shoqëruar në Komisariat, shtetasi A. M., rreth 55 vjeç, pasi dyshohet se ka dëmtuar me mjet të mprehtë (thikë), djalin e tij 19 vjeç, i cili është dërguar në spital, për ndihmë mjekësore, në gjendje jashtë rrezikut për jetën.

Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes.

LEXONI GJITHASHTU:

• Plagosje me thikë në Shkodër, dy të lënduar
• Tiranë/ 13-vjeçari plagoset me mjet prerës ndërsa luante me një bashkëmoshatar