“U jemi pranë në këtë dhimbje”- Nikolla mesazh ngushëllim për aksidentin në Greqi

Kryetarja e Kuvendit, Lindita Nikolla, ka reaguar në lidhje me aksidnetin tragjik të trenave në Greqi, ku humbën jetën 36 qytetarë si dhe u plagosën 85 të tjerë.

Nikolla ka shprehur ngushëllimet për familjarët e viktimave të aksidentit, si dhe uron shërim të shpejtë të plagosurve.

Kryetarja e Kuvendit shpreh solidarizimin e Shqipërisë me parlamentin e Greqisë, Kryetarin Tasoulas dhe gjithë popullin e Greqisë.

“I trishtuar dhe i dhimbshëm lajmi për përplasjen e trenave në Greqi, me pasojë humbjen e jetës dhe plagosjen e dhjetra njerëzve.

Në emër të Kuvendit të Shqipërisë dhe në emrin tim, u shpreh ngushëllimet familjeve të viktimave dhe të  lënduarve u uroj shërim të shpejtë.

Shpreh gjithashtu solidaritetin me Parlamentin e Greqisë, Kryetarin Tasoulas dhe popullin e Greqisë.

Lutemi dhe u jemi pranë në këto ditë dhimbjeje!”, shkruan Kryetarja Nikolla.

LEXONI GJITHASHTU:

• “Bashkohemi në lutjet e tyre”, Rama shpreh ngushëllimet për aksidentin në Greqi
• Tragjedi në Greqi, përplasen 2 trena, 32 viktima
• Aksidenti tragjik në Greqi, Xhaçka shpreh ngushëllimet për familjarët e viktimave