U kap me 320 gramë kokainë, arrestohet 35-vjeçari në Tiranë

Një 35-vjeçar është arrestuar nga policia në Tiranë pasi është kapur me një sasi lënde narkotike të llojit kokainë.

Në kuadër të operacionit të koduar “Terminal” është vënë në pranga shtetasi A. R., 35 vjeç, banues në Tiranë, për veprën penale “Prodhimi dhe shitja e narkotikëve”.

Shërbimet e Policisë kanë lokalizuar në rrugën “Arben Broci”, shtetasin e lartpërmendur, të cilit gjatë kontrollit fizik, i gjetën rreth 320 gramë lëndë të dyshuar narkotike kokainë.

Nga veprimet hetimore ka rezultuar se ky shtetas, pasi siguronte lëndën narkotike kokainë, furnizonte disa shtetas të cilët dyshohet se e ndanin dhe e shitnin lëndën narkotike, në doza.

Lënda narkotike, së bashku me një automjet dhe një celular, u sekuestruan në cilësinë e provës materiale.

Punohet për kapjen e shtetasve të tjerë të implikuar në këtë veprimtari kriminale.

LEXONI GJITHASHTU:

• Drogë pranë shkollave: Kapet 1.2 kg kokainë në Tiranë, arrestohen 19 persona
• Drejtori i shkollës trafikant kokaine, si ra në kurthin e anti-drogës Dash Mehmeti