U kap me 9 kg lëndë narkotike dhe municion luftarak, arrestohet 27-vjeçari në Berat

Policia e Beratit këtë të martë ka arrestuar një shtetas 27-vjeç pasi posedonte lëndë narkotike, kokainë dhe Cannabis Sativa, një pjesë të ndarë në doza, me qëllim shitjen.

Në kuadër të operacionit të koduar “Alfa”, pas një hetimi disa mujor, u arrestua në flagrancë shtetasi A. Sh., 27 vjeç, banues në Vlorë.

Sipas raportimeve nga policia, gjatë kontrollit në banesën e 27-vjeçarit, u gjetën dhe sekuestruan në cilësinë e provës materiale 1 kilogramë e 530 gramë kokainë, 7.5 kilogramë cannabis, peshore elektronike, municion luftarak, elektroshok dhe aparat celular.

Ndërkohë, vijojnë hetimet për dokumentimin e plotë të kësaj veprimtarie kriminale dhe për identifikimin e shtetasve të tjerë të përfshirë në këtë veprimtari.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

LEXONI GJITHASHTU:

• Policia rrugore intensifikon kontrollet, 77 gjoba në 24 orë në Tiranë
• Tirana kap të kërkuarin në Britani, pjesë e grupit që trafikonte drogë në Berat