U kap me mbi 11 mijë doza ekstazi, njëri prej të arrestuarve pjesë e Vetëvendosjes

Këshilltari komunal i Prishtinës nga radhët e Lëvizjes Vetëvendosje, Besnik Mujeci, është pjesë e grupit prej pesë personash të arrestuar nga Policia e Shtetit në Tiranë në kuadër të operacionit antridrogë “Punisher 2”.

Mujeci së bashku me personat e tjerë të arrestuar janë lokalizuar në kryqëzimin e rrugëve “Myslym Shyri” dhe “Sami Frashëri” në Tiranë së bashku me dërgesën me lëndë të dyshuar narkotike, prej 11 300 tabletash ekstazi MDMA, me peshë 5.093 kg dhe vlerë tregu rreth 400 mijë euro.

Përpos Mujecit, janë arrestuar edhe Mithat Ramadani 30 vjeç, Kalem Picari, 24 vjeç, Ambra Myftari 28 vjeçe, Daniel Avdija 26 vjeç.

Drejtori i Policisë së Tiranës, Tonin Vocaj, bëri me dije se këta persona shfrytëzonin fluksin e sezonit turistik dhe e transportonin drogën sintetike nëpërmjet autobusëve të linjës Prishtinë–Tiranë.

Pasi dërgesat arrinin në Tiranë, transportoheshin me makina të marra me qira në Tiranë dhe në qytete të tjera, kryesisht bregdetare, dhe vendet e shkëmbimit caktoheshin në vende publike me shumë lëvizje dhe fluks njerëzish.

LEXONI GJITHASHTU:

• FOTO| Këta janë 5 të arrestuarit e kapur me 400 mijë euro ekstazi
• Policia deklaratë zyrtare: Ekstazia e sekuestruar në vlerë tregu 400 mijë euro