U kap me qeset me kokainë në bagazh, dënohet me 6-vite burg shqiptari

Gjashtë vite burg është dënimi i vendosur nga gjyqtarët në Como për një murator shqiptar 25-vjeçar, i cili u arrestua 13 prillin e kaluar me 850 gramë kokainë.

25-vjeçari, i cili rezultonte përpara arrestimit një person me precedentë të pastër kriminal, u ndalua në kufirin me Zvicrën, pasi gjatë kontrollit në automjet iu gjet lënda narkotike, e ndarë disa qese plastike.

I riu deklaroi përpara trupës gjykuese se nuk kishte dijeni në lidhje me praninë e kokainës në automjet dhe tha se dikush ia kishte vendosur në bagazh gjatë udhëtimit të tij në Lugano.

“Isha në një udhëtim në Lugano dhe atje dikush e vendosi drogën në bagazhin e makinës sime,”, deklaroi ai.

25-vjeçari, mund të fitonte në gjykatë uljen e 1/3-ës së dënimit, por ai u shpall fajtor për trafik ndërkombëtar droge.

Kokaina ishte nuhatur nga një qen antidrogë në pikat kufitare Como-Ticino. Shqiptarit, i cili sipas autoriteteve italiane me siguri vinte nga Holanda, iu sekuestrua edhe makina në të cilën fshihej lënda narkotike dhe një sasi prej 3 mijë eurosh.

LEXO GJITHASHTU: 

• “Më herët, iu arrestua kunati”- Gazetari zbulon detaje nga aksioni për Vis Martinajn
• Vis Martinaj| “Na e keni sjellë në majë të hundës”, banorët përplasen me gazetarin
• Ekskluzive/ Dera e shtëpisë së Vis Martinaj, tela me gjemba dhe FNSH