Vis Martinaj| “Na e keni sjellë në majë të hundës”, banorët përplasen me gazetarin

Euronews Albania solli pamje ekskluzive nga operacioni i FNSH dhe RENEA në shtëpinë e Ervis Martinajt, në Fushë Kuqe të Kurbinit.

Gazetari i Euronews Albania, Teodor Gjerga ndoqi nga afër operacionin ku furgonë të shumtë të policisë rrethuan lagjen ku ndodhet banesa e të shumëkërkuarit, e rrethuar me pemë, mure të lartë dhe tela me gjemba dhe e pajisur me një kullë vrojtimi.

Gjatë raportimit ‘live’ gazetari Gjerga u has edhe në kundërshtimin e disa personave, banorë të zonës apo të afërm të Martinajt të cilët i kanë kërkuar të largohet dhe të mos filmojë.

“Largohuni, na e keni sjellë në majë të hundës. Ik na u hiq qafe”, – dëgjohet të thotë një burrë që qëndron para portës së madhe të shtëpisë së Ervis Martinajt.

LEXONI GJITHASHTU:

• ‘Policia e di ku është Vis Martinaj’, Krenar Ahmeti: Operacioni i FNSH show i radhës
• I zhdukur prej 5 muajsh, FNSH zbarkon në shtëpinë e Ervis Martinajt