Një 52-vjeçar dhe një 36-vjeçar janë proceduar penalisht pasi u kapën në flagrancë duke peshkuar me pajisje të cilat furnizoheshin me energji elektrike.

Gjatë kontrollit, policia gjeti dhe sekuestroi në cilësinë e provës materiale mjetin lundrues dhe pajisjet që shërbenin për peshkimin paligjshëm.

Njoftimi i policisë

Strukturat e Drejtorisë Vendore për Kufirin dhe Migracionin Shkodër, në kuadër të kontrolleve në liqen, me qëllim parandalimin e rasteve të peshkimit me pajisje me elektricitet, kanë konstatuar në afërsi të bregut të liqenit të Shkodrës, një mjet lundrues në të cilin ndodheshin dy shtetas që po ushtronin veprimtarinë e peshkimit me pajisje që furnizohen me energji elektrike, të cilat janë të ndaluara për shkak të rrezikut që kanë.

Gjatë kontrollit, u gjetën dhe u sekuestruan në cilësinë e provës materiale mjeti lundrues dhe pajisjet që shërbenin për peshkimin paligjshëm.

Në vijim të veprimeve nisi procedimi penal për shtetasit D. Y., 52 vjeç, banues në fshatin Dobraç dhe A. M., 36 vjeç, banues në lagjen “Guerrile”, për veprën pënale “Peshkimi i ndaluar”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Megaoperacioni Tempulli/ Hajdarmataj: Shumë bujë, asnjë bos droge s’është arrestuar
• SHBA do ta furnizojë Ukrainën me raketa me rreze të gjatë