U kërcënua nga “Ben Qimja”, merret në mbrojtje gjyqtari i Fierit

Gjyqtari i Fierit, Vladimir Cjapi, është marrë në mbrojtje pas kërcënimeve që ka marrë nga shtetasi Arben Isufi, i njohur si “Ben Qimja”.

Burime nga Këshilli i Lartë Gjyqësor (KLGJ) konfirmojnë për Euronews Albania se paraditen e sotme Këshilli për Mbrojtjen e Magjistratëve vendosi t’i ofrojë gjyqtarit mbrojtje të posaçme për një periudhë 6-mujore.

Vendimi është marrë nga komisioni përkatës, ku marrin pjesë përfaqësues të KLGJ-së, Policisë së Shtetit dhe Gardës së Republikës.

Ndërkohë, Policia e Fierit ka shpallur në kërkim 55-vjeçarin Arben Isufi, pasi dyshohet se ka kërcënuar me jetë gjyqtarin Cjapi.

Në kuadër të hetimeve, Gjykata e Fierit ka lëshuar një urdhër kontrolli për banesat dhe ambientet në pronësi të të dyshuarit. Operacioni është zhvilluar në bashkëpunim me forcat speciale RENEA, ku janë sekuestruar prova të rëndësishme për hetimin.

LEXONI GJITHASHTU:

• Kërcënoi me jetë gjyqtarin, shpallet në kërkim Arben Isufi, i njohur si “Ben Qimja”
• Kërcënoi me jetë gjyqtarin, shpallet në kërkim Arben Isufi, i njohur si “Ben Qimja”