U përplas me deputetët e PD, Açka: Keqardhje për kolegët që prishin seancat

Deputetja e PD-së Flutura Açka, ka dalë në një deklaratë për mediat pas mbylljes së Komisionit të Medias, ku dhe pati përplasje.

Ajo theksoi se ndjen keqardhje për kolegët e saj të cilët kanë vendosur të prishin çdo seancë plenare.

Mes tjerash ajo theksoi se nuk e sheh të arsyeshme që deputetët demokratë të bëjnë skena të tilla në Kuvend që tashmë sipas saj ka dalë jashtë funksionit.

“Kam qenë shumë e qartë në të gjitha intervistat e mia, që opozita meriton komisionet hetimore dhe është një detyrim kushtetues i shumicës që të ja japë Komisionet hetimore opozitës. Po duke parë në vijëmësi që parlamenti ka dalë nga aksi, është jofunksional, e mendova si një gjest të parë timin që ta fillonim këtë vit mbarë. Kolegët e mi të opozitës kemi bërë beteja të mëdha në Komisionin që drejtoj unë.

Presim nga dita në ditë që të marrim një përgjigje pozitive për çështjen Butrinti. Sot u përballëm me një përplasje me kolegët që mendojnë se duhet ta mbajnë në kaos parlamentin. Personalisht e shoh si një gjest jo të mirë dhe jashtë detyrës time si deputete që të dalë e të bërtas në komisione. Kjo ka qenë arsyeja që kam vendosur që këtë sesion ta hapim me  mbledhje fizike ku ti shohim në sy dhe shqiptarët. Kam një keqardhje të madhe për kolegët që kanë vendosur të prishin seancat. Keqardhjen më të madhe e kam për aludimet”-tha ajo.

LEXONI GJITHASHTU: 

• “Basha zagar që shiti interesat e demokratëve”, Bardhi përplaset me deputeten e PD
• “Për një flirt s’do e ndaja”, shqiptarja që i shërben ish-bashkëshortit në spital