U përplas me qytetarët në Vorë, Noka: Janë bandat e Xhabaftëve, punojnë për qeverinë

Deputeti demokrat Flamur Noka në një komunikim mediat sqaroi përplasjen që pati paradite me disa qytetarë në njnë qendër votimi në Vorë.

Noka tha se nuk bëhej fjalë për votues po për shoqërues të Albert Xhabaftit, person të cilin edhe më herët PD e ka denoncuar si kreu i një bande që punon për partinë në pushtet.

“Për të sqaruar opinionin personi që u hoq si qytetar dhe që mediat e regjimit e shitën si qytetar është shoferi i Albert Xhabaftit, tjetri ishte shoqërues i tij. Ishin brenda qendrave duke ushtruar presion, Bert Xhabafti është urdhëruar të punojë për Blendi Gonxhen. Dua të denoncoj…keni parë ndonjë polic këtu, ku është SPAK? Ka dy orë që ka ndodhur ngjarja, e gjithë banda e Xhabaftit është e pajisur me bexhat e KQZ. Ata kanë vetëm një shpresë, të fitojnë me bandat. Ta harrojnë, dilni në votime, jepini një mësim, duhet rrëzuar ky pushtet bandash”, tha Noka.