Ish-prefekti i Kukësit Granit Gjana, i cili një ditë më parë u pezullua nga detyrë, është paraqitur mëngjesin e së enjtes në GJKKO ku do të zhvillohet seanca e marrjes ne pyetje dhe verifikimi i kushteve të zbatimit të masës së sigurisë.
Gjana u pezullua nga detyra me akuzën e abuzimit me tenderë publikë.
Sipas SPAK, Granit Gjana gjatë kohës që ka qenë zëvendës kryetar i bashkisë së Kukësit, ka penguar një kompani që të merrte pjesë në 2 tenderë për “blerje karburanti” në vlerën 21 milionë lekë.
Shkeljet sipas prokurorisë së posaçme janë bërë në vitin 2023 gjatë kohës që Granit Gjana si zëvendës kryetar, ka qenë titullar i Autoritetit Kontraktor i bashkisë së Kukësit për këto tenderë.
Gjana ka qenë nënkryetar i Bashkisë Kukës, gjatë kohës që në krye të Bashkisë ishte Safet Gjici, i cili u arrestua pas publikimit të pamjeve ku shihej duke kryer marrëdhënie seksuale në zyrë.
LEXONI GJITHASHTU:
- Situata nga bora në qarkun e Kukësit, Gjana thirrje bashkive të pastrojnë rrugët
- Granit Gjana emërohet prefekt i Qarkut të Kukësit