Një ngjarje e rëndë ka tronditur qytetin ë Lushnjës pasditen e sotme. Një 82-vjeçar nga ka qëlluar me çifte vajzën e tij dhe më pas ka vrarë veten.

Ngjarja ka ndodhur në lagjen 18 tetori të qytetit, ku Behar Musaku ka qëlluar brenda në banesën e tij vajzën Rudina Musaku 40 vjeçe.

Nga informacionet e siguruara nga Euronews Albania bëhet e ditur se në momentin e vrasjes me në banesë ka qenë edhe gruaja e të moshuarit. Ata jetojnë në një banesë 2 katëshe me dy djemtë  e tyre, por me hyrje të ndara.

E plagosura, Rudona Musaku është në gjendje të rëndë shëndetësore, ku pas ndërhyrjes së parë nga mjekët e Lushnjës u dërgua në spitalin e Traumës në Tiranë.

Fqinjët e familjes Musaku thonë se vajza është e divorcuar dhe kishte ardhur të vizitonte prindërit. Ajo punon kamariere në Tiranë.

E plagosura ka 2 fëmijë, djalë e vajzë, 17 vjeçe dhe 16 vjeç.  Ajo emigroj në Gjermani dhe u kthye, ndërsa fëmijët rrijnë më shumë me babanë. Sipas informacioneve i dyshuari nuk ka pasur problem të shëndetit mendor.