U propozua si kryeparlamentare, Kuvendi i Kosovës nuk e zgjedh Albulena Haxhiun

Kuvendi i Kosovës nuk ka arritur të zgjedhë Albulena Haxhiun si kryetare të re të Kuvendit. Në votimin e mbajtur gjatë seancës konstituive, Haxhiu mori:

• 57 vota pro
• 20 kundër
• 3 abstenime

Ky rezultat nuk ishte i mjaftueshëm për ta zgjedhur atë në krye të institucionit. Emri i saj u propozua zyrtarisht nga grupi parlamentar i LVV-së.

Në votimin për kandidaten e LVV-së për kryeparlamentare, tre deputetët e Nismës abstenuan, ata të PDK-së, LDK-së dhe AAK-së nuk morën pjesë në votim.

Propozimin për Haxhiun kryetare të Parlamentit e bëri ish-kryetari i Kuvendit, Glauk Konjufca.