U rrëmbye nga 3 persona në Lezhë, lihet i lirë 35-vjeçari. Identifikohen autorët

35-vjeçari Dod Gjoka i cili u mor peng pak minuta më parë nga tre persona është lënë i lirë. Ai tashmë ndodhet në spitalin e Lezhës ku po merr ndihmë mjekësore.

Ngjarja ka ndodhur rreth  orës 14:30, në vendparkimin e automjeteve të një lokali në aksin rrugor “Lezhë-Milot”, gjatë një konflikti fizik, tre persona kanë dhunuar dhe më pas kanë marrë me forcë në automjet, shtetasin Dod Gjoka rreth 35 vjeç, banues në Lezhë.

Pas marrjes së njoftimit, shërbimet e Policisë së Lezhës kanë ngritur pika kontrolli me qëllim kapjen e autorëve, të cilët janë identifikuar nga Policia, konkretisht shtetasit K. P., B. V. dhe Xh. E., të tre banues në fshatin Tresh.

Gjithashtu, u ngritën pika kontrolli në akset rrugore drejt Tiranës, Shkodër dhe Kukësit.

Autorët dyshohet se e kanë zbritur nga automjeti, shtetasin Dod Gjokai cili aktualisht po merr ndihmë mjekësorë në spitalin e Lezhës dhe është jashtë rrezikut për jetën.

Grupi hetimor, në drejtimin e Prokurorisë, po punon për sqarimin e rrethanave dhe dokumentimin ligjor të rastit.

Ndërkohë, policia po vijojn kontrollet për kapjen e autorëve.

LEXONI GJITHASHTU:

• Merret peng një person në Lezhë (Emri)
• Më shumë se 400 të vrarë, Presidenti izraelit: Luftimet synojnë lirimin e pengjeve